Jroh That, Polresta Banda Aceh Ka Geucetus Meusedeukah keu Hamba Laeh
ADVERTISEMENT
Kiban cara dapu ureung gasien, anuek yatim, sereuta hamba laeh beuteutap meuasap lam hana jelas sebab penyaket taeun Corona nyoe, Kepolisian Resor Kota Banda Aceh ka geucetus Program Polresta Meusedeukah keu geubloe breuh, boh manok, minyeuk makan, sereuta indomie untuk geujoek keu kaom nyan, Jeumeuat (10/4).
ADVERTISEMENT
Kapolresta Kota Banda Aceh , Kombes Pol Trisno Riyanto, guepeutrang, bantuan nyang geubagi-bagi nyan nakeuh infak nibak ubena aneuk buah gopnyan, mulai nyang meutugaih bak Polsek-polsek sampae u Mapolresta, siribee sapo lam siuroe.
"Sedeukah nyoe keu tabantu urueng gampong yang kurueng mampu, phon-phon that nyang hana pat geumita peng seulama musem Corona nyoe," kheun Pak Kapolres lagee teutuleh bak web awaknyan nibak uroe Jeumeuat (10/4).
Muenuroet Pak Trisno, bagi-bagi breuh, boh manok, minyeuk makan seureuta indomie nyang dipubeut le aneuk buah gopnyan na tiep uroe. Tukang nyang jak bagi-bagi nakeuh Bhabinkamtibmas Polsek, seubab data pih ureung nyan nyang puesapat dari gampong-gampong.
"Bhabinkamtibmas kalhueh loen joek peurintah, nyak geujak data ureung gampong nyang ekonomi luemoh. Muenan kana data, tajoek laju bantuan," meunan geupeutrang le Pak Trisno.
Bak uroe phon geujak bagi bantuan lam Program Polresta Meusedeukah, Pak Trisno geutroen droe geuh langsong, parte Bhabinkamtibmas pih na geujak sajan, seulaen nyan geupeungoen le Komandan-Komandan Plisi bak jajaran bak Polresta, Babinsa Koramil, tamah lom rame ngon personel Polresta Banda Aceh.
ADVERTISEMENT
Sep jroh, koen? Deungon na program lagee nyoe rupa, tameulakee beu bek na le hamba laeh nyang hana meuasap dapu. Seubab ureung nyan hanjeut that geujak mita raseuki brangkaho teungoh musem peunyaket taeun Corona atawa geukheun COVID-19 siat nyoe.[]
Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.