News
·
12 April 2020 22:05

Sep Gawat! Angen Boh Asee Geureutok Poih Use Taeun Corona di Bener Meriah, Aceh

Konten ini diproduksi oleh ACEHKINI
Sep Gawat! Angen Boh Asee Geureutok Poih Use Taeun Corona di Bener Meriah, Aceh (119897)
Tenda poih rayeuk teumpat use peunyaket taeun Corona atawa COVID-19 Kabupaten Bener Meriah digeureutok le angen boh asee, uroe Aleuhad (12/4). Foto: Dok. BPBA
Musibah bak uroe nyoe di Aceh. Nibak nanggroe leupie sideh di Kabupaten Bener Meriah, sabouh poih rayeuk teumpat use peunyaket taeun Corona atawa COVID-19 ka keunong geureutok le angen boh asee.
ADVERTISEMENT
Meunurot haba Badan Penanggulangan Bencana Aceh (BPBA) teukeudi bak jeum poh 15.30 WIB, uroe Aleuhad (12/4). Adak pieh meunan, untong syit hana nyang luka ngen meuninggai lam musibah nyan.
"Lhee boh tenda nyang dipeudoeng keu poih rayeuk teumpat use taeun Corona dibapoet saboh saho le angen boh asee," narit Staf BPBA, Haslinda, keu awak tumuleh haba, Aleuhad supot.
Sep Gawat! Angen Boh Asee Geureutok Poih Use Taeun Corona di Bener Meriah, Aceh (119898)
Tenda poih rayeuk teumpat use peunyaket taeun COVID-19 di Bener Meriah, Aceh, kaabeh rubah digeureutok le angen boh asee, Aleuhad (12/4). Foto: Dok. BPBA
Haslinda geupeutrang, tenda poih rayeuek teumpat use taeun Corona nyan, dipeudoeng di Gampong Tingkem Benyer, Kecamatan Bukit. Watee angen boh asee disampoh tenda, di sinan na padup-padup droe ureung dari BPBD, teuntra, ngeun peulisi nyang teungoh keurija.
Watee troh angen boh asee panena ceurita laen, keun diplueng laju peuseulamat droe maseng-maseng. Lheuh angen hana le, ureung nyan bagah-bagah geupeudoeng keulayi tenda nyan. Ureung nyan pih ka geumeubuet lom inan bak poih rayeuk nyan. "Situasi jinoe ka jroeh lom," kheun Haslinda.
ADVERTISEMENT
Nyan keuh meunan, sep gawat angen boh asee nyan. Adak meudeh koen peunyaket taeun Corona dipeulet, bek poih rayeuek awak use taeun nyang ditakat.[]
Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.
=====
*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!