Teungoh Cot Uroe Buleun Puasa, Ureung Agam di Pidie Geuphok Meusen Tarek Peng

Ilustrasi meusen peng Bank Aceh. Dok. Baitul Mal Aceh

That kanjai buet sidroe ureung agam di Kabupaten Pidie, Aceh. Teungoh cot uroe timang bak uroe keudua puasa, ka geuphok meusen tarek peng atawa ATM nyang na bak Bank Aceh di Gampong Blang Asan, Kecamatan Kota Sigli, Pidie.

Keujadian bak luho uroe poh 13.43 WIB, uroe Sabtu (25/4) atawa uroe keudua puasa Ramadhan. Aleh peu penyebab ureung nyan bungeh that lam buleun puasa.

Teutapi, sampoe jinoe peulisi manteung geumita ureung agam nyan. Gara-gara reuloh saboh meusen tarek peng, awak bank ka rugoe sekitar 50 juta rupiah. Untong hana peng nyang gadoh dari meusen nyan.

Kepala Satuan Reserse Kriminal Polres Pidie, AKP Eko Rendi Oktama, geupeugah keujadian nyan phon-phon that geukaleun le satpam nyang jaga bank. Satpam nyan syit banleuh geuwoe seumbahyang dari seumeujid.

Watee troh bak bank, ceurita Eko, satpam geukalon sidroe ureung agam teungoh geuphok meusen tarek peng ngeun baci. Meusen nyan syit dipuduek di keue geudong Bank Aceh Cabang Pidie, ngat mudah ureung cok-cok peng keudroe geuh.

"Geukalon teungoh diphok-phok meusen tarek peng, satpam langsong geulapor bak peulisi. Lheuh geulapor, satpam nyan geubalek lom u bank dan geukalon manteung diphok-phok meusen ngeun baci," marit Eko bak acehkini, Seulasa (28/4).

Kareuna baci bak jaroe, satpam nyan hana that geuteujeut beurangkaho. Hai nyan beutoi syit, daripada dihambo gobnyan eunteuk. Ureung agam nyan sempat ditanyong bak satpam soai ditop bank bak uroe nyan.

"Lheuh nyan ureung agam nyan diweh laju diek gari meusen nyang numboi peulisi jih hana that dipeurati le satpam," kheun Eko, sambilan geupeugah sampe jinoe peulisi teungoh geumita-mita ureung agam nyan. []

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.