Alumni SMKN 5 Palu ante Kwarcab Pramuka Nobagi Sanjobu Masker Gratis
PerbesarADVERTISEMENT
Riara haja gorakan peduli COVID-19, Alumni Sikola Menengah Kejuruan Negeri ( SMKN) 5 Palu, Sulawesi Tengah, ante Kwartir Cabang (Kwarcab) Pramuka Palu, nobagi sanjobu masker gratis ka todea riara ngata.
ADVERTISEMENT
Koordinator pobagi potutui lenje i Gafur, Kamisi (9/4/) nangulika panggavia sala sangu APD, nikarjaa Alumni SMKN 5 Palu. Geira aga nangala tempo aga saminggu riara nanggavia sanjobu masker.
Dana nipake nanggavia sanjobu masker hai, dana posibantu dako ri Alumni SMKN 5 Palu ante Kwarcab Pramuka Palu.
"Eo hi rancanana kami hau mobagi limatu masker gratis ri huntara dala Sukrno-Hatta, huntara Lapanga Kompas Kelurahan Tondo, bo Mapolda Sulteng," niuli i Gafur.
Riavi eo Araba (8/4/) geira muni natolelemo nobagika limatu masker gratis ka todea topo motoro bo oto ri lampu merah dala Sukarno-Hatta.
Ketua Kwarcab Pramuka Palu, i H. Nanang nangulika, ri tatanga tempona sala sangu APD nakuramo, riara haja moatasi bo mompaka botu pendele pandemi virus Corona ri ngata Palu, geira nosabatutu ante tim Pramuka peduli COVID-19 nokarja sama ante SMKN 5 Palu.
ADVERTISEMENT
"Ri tempona hie, kami nangala peran riara mompaka botu pendele virus Corona ri Palu. Ante nanggavia masker bo nobagikana ko todea. Kami muni nerapika ka todea ri Palu, ala mangepe nuapa nutuduka pamarenta. Riara meleva bo mompaka botu pendele virus Korona," perapina.
-------------------------------------------------
kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!