Napositif Corona ri Palu Natetambai Najadi Ovalu

Tim Survelence. Foto: Humas Pemkot Palu

Kasus napositif COVID-19 ri Palu, Sulawesi Tengah, natekonfirmasi natetambai sangu. Pura-Purana najadi ovalu kasus.

"Rinciana randua namate, randua natoro atau negatif nidekeimo nanjili ri banuara, ampa ntanina napositif da nipakabelo ri ruma saki," niuli Kotua Tim Survelence, dr Rohmat Yassin, dako ri kareba potulisi nitarima, Kamisi (16/4).

Vesia muni ante data Pasien Dalam Pengawasan (PDP) ri tanggala 15 April 2020. Natetambai vai sangu kasus baru. Kaupuna deana pura-pura kasus ri eo Araba, dak sapulu kasus najadi sapulu sangu kasus.

Naupu hai, ane data Orang Dalam Pemantauan (ODP) natetambai randua kasus baru. Kaupuna deana dako 179 najadi 181 kasus.

Ane data Orang Tanpa Gejala (OTG) ledo ria natetambai deana. Kaupuna deana pura-oura sampe eo hi aga randua pulu bo papitu kasus.

Ane topanjayo natetambai randua pulu bo ovalu kasus. Dako ri 1.088 kasus najadi 1.126.

"Petambai topanjayo hie petevai dako ri Puskesmas Birobuli deana 31 kasus, puskesmas Singgani randua kasus, Puskesmas Tawaili sangu kasus, puskesmas Mabelopura sangu kasus, ante Puskesmas Kawatuna tatalu kasus," pangakuna.

Nitevaikana, topanjayo hai dopa nitambai ante pura-purana topanjayo ntanina dako pos lapanga ri aono vamba pesua ngata Palu nibukamo sakuya eo naliu.

****

kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!