Kepala Dinas nang Pemalang Dicekel Polisi Gara-gara Mélu Nilep Dana Bedah Umah

Penyidik Polres Pemalang lagi mriksa M. (dok. panturapost.com)

PEMALANG - Kepala dinas nang Kabupatén Pemalang sing huruf ngarepé M dicekel polisi. Dhéwéké dicekel gara-gara dinyana mélu nilep dana program bedah umah.

Kapolrés Pemalang AKBP Ronny Tri Prasetyo Nugroho metung Kasat Réskrim AKP John Kennertony Nababan, dina Senén (31/5/2021) ngomong, penyidik ésih nglakoni pemeriksaan maring tersangka.

"Tersangka M dijerat pasal 372 juncto pasal 55 KUHP karo anceman ukuman 4 taun penjara," jaréné.

Kasat Réskrim ngungkapna, perkiraan tindak pidana penggelapan sing dilakokna daning tersangka M yakuwé pengembangan seka kasus tindak pidana penggelapan sing dilakokna daning tersangka F lan S.

"Sadurungé, Polrés Pemalang wis ngamankna tersangka F lan S, sing dinyana nglakoni tindak pidana penggelapan pengadaan material sing dienggo neng program bedah umah," jaréné. (*)