News
·
10 Juli 2021 19:01
·
waktu baca 1 menit

Wayah PPKM Darurat, Masjid-masjid nang Kabupaten Tegal Ora Nganakna Solat Jumat

Konten ini diproduksi oleh PanturaPost
Wayah PPKM Darurat, Masjid-masjid nang Kabupaten Tegal Ora Nganakna Solat Jumat  (167073)
searchPerbesar
Masjid di Kabupaten Tegal tidak menggelar Salat Jumat. (Foto: Bentar)
TEGAL — Wayah PPKM Darurat, ana pirang masjid nang Kecamatan Balapulang, Kabupatén Tegal ora nganakna Sembayang Jemuah utawa Jumatan. Nang masjid-masjid kuwé dipasang spanduk sing isiné imbauan maring masarakat ngenani PPKM Darurat.
ADVERTISEMENT
Wayah PanturaPost ngileng, dina Jemuah (9/7/2021), katon pirang-pirang masjid nang Kecamatan Balapulang ditutup lan ora nganakna Jumatan. Ana pirang petugas seka TNI lan Polisi katon jaga-jaga nang ngarep lan gerbang masjid.
Camat Balapulang Éndro Nor Susilo ngomong, sadurungé pihaké bareng karo Polisi lan TNI wis koordinasi karo kabéh pihak. Termasuk karo tokoh-tokoh agama lan takmir masjid.
"Dhéwék bareng karo tokoh-tokoh agama lan pemréntah désa se-Kecamatan Balapulang sepakat masjid nang aréa Balapulang ora nganakna Jumatan lawasé masa PPKM Darurat. Tapiné, wajib nglakoni Sembayang Luhur nang umahé dhéwék-dhéwék," tuturé Éndro Nor Susilo maring PanturaPost, dina Jemuah.
Masjid-masjid sing ora nganakna Jumatan lawasé PPKM Darurat yakuwé Masjid Jami Baitul Atiq Danawarih, Masjid Al-Mubarok Kalibakung, Masjid Jami Nurul Islam Banjaranyar, Masjid Besar Almujahidin Balapulang Wétan, lan Masjid Maqomul Ibrohim Désa Wringin Jénggot.
ADVERTISEMENT
Éndro njelasna nglakakna Jumatan wayah PPKM Darurat kiyé sesuai karo Instruksi Menteri Dalam Negeri Republik Indonesia, Surat Édaran Menteri Agama, Instruksi Bupati Tegal, lan Surat Édaran masing-masing Désa. Latané imbauan Pengurus Besar Nahdlatul Ulama lan Instruksi Pengurus Cabang Nahdlatul Ulama, uga Majelis Ulama Indonesia.
"Lan kiyé uga wis dadi kesepakatan antara pengurus takmir masjid masing-masing," jaréné. (*)