Peulisi Nyang Poh Ureung Pungo di Aceh, Ka Dipereksa

Gamba lam pidoe nyan. Dok. warga

Saboh pideo meu ula-uli bak donya maya (Medsos), peugeut gabuk ureung di Aceh lam padum uroe nyoe. Sebab jih lam gamba pideo nyan, dua droe peulisi teungoh geuseumeupoh sidroe ureung tuha sampe meupula pingkui. Ureung kalon video nyan ka habeh palak dum keu peulisi nyan, dianggap maen seumeupoh di luwa jalur hukom.

Pang Ulee Humas Polda Aceh, Kombes Pol Ery Apriyono, geupeugah keujadian bak video nyan na keuh di Gampong Bagok, Kecamatan Nurussalam, Aceh Timur, bak uroe Sabtu (23/5). Meunurot ganyan, dua droe peulisi nyang inisial jih R ngon E jinoe ka didrop le Propam Polda Aceh dan dipereksa.

"Masalah nyoe ka geutangani le Polda Aceh. Polda Aceh akan geukeurija beutoi-beutoi untok geupeuseuleusoe kasus nyoe sampe lheuh sesuai prosedur hukom ngon ade," narit Ery keu jurnaleh, Senin (25/5).

Nyoe pideo atra meukutip dari @sinyaktafar

Ery geupeujeulaih, keujadian seumeupoh kareuna bak watei nyan dua droe peulisi teungoh geubri peuneurang soai hanjeut woe gampong. Teuma aleh pakiban ka troh sidroe ureung nyang ka geuseup-seup peulisi.

"Ureung nyan juga na geutarek-tarek kipek bajei peulisi. Teuma lheuh nyan terjadilah dugaan seumeupoh le dua droe peulisi nyan," kheun Ery.

Akhe calitra, dudoe baro ditupeu sidroe ureung nyan rupajih na gangguan ulee alias pungo. Tapi gobnyan kabeh meudarah-darah bak ulee kareuna keunong hambo. []

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.