Rap Makmeugang Puasa, Leumo Na Kameng Na di Pasai Sibreh Aceh Rayeuk

Leumo keu makmeugang nyang dimeukat bak pasai Sibreh, Aceh Rayeuk, Rabu (15/4). Foto: Suparta/acehkini

Adak pieh kondisi nanggroe saat nyoe teungoh hana tatu'oh peugah kareuna peunyaket taeun Corona atawa COVID-19, uroe peukan bak pasai meunatang di Sibreh, Aceh Rayeuk, Aceh, teutap hudep.

acehkini nyang meujak u pasai nyan bak uroe Rabu (15/4) beungoh bunoe meukaleun jai that ureung nyang peubloe keubeue, leumoe seureta kameng. Pasai nyan memang tok dibuka sipeukan sigoe bak uroe Rabu.

Dibandeng uroe Rabu peukan nyang ka ulikot, Rabu bunoe suasana pasai leubeh hudep. Malah geupeugah le Teungku Basri, salah sidroe ureung meukat leumoe inan, pasai nyan sempat ditop Rabu nyang ka ulikotlom seubagoe upaya peujioh droe nibak taeun Corona.

Teungku Basri teungoh geupeupah taloe keubeu gopnyan yang geuneuk publoe. Foto: Suparta/acehkini

Meunan toe tumusie makmeugang, pasai nyan mulai rame lom kareuna ureung ka meujak mita leumoe atawa keubeu geusie geumukat bak uroe meugang puasa nyang tinggai leubeh kureung siplon uroe teuk sagai.

Bah that pieh meunan, geupeugah le Teungku Basri, yum leumoe jinoe ka ditreun rap sijuta sampoe dua juta dari yuem siuroe-uroe biasa jih. Kubeu yang biasa geupeubloe lhee ploh juta sabouh, jinoe dilakei bloe dua ploh nam juta.

"Na nyang lakei kureung dumnan, tapi lon peuteun yuem bak dua ploh lapan juta. Menyo ditueng dumnan, baro lon peubloe," kheun Teungku Basri sira geuteunyoek kubeu nyang keuneuk publoe.

Cukop jai leumo bak Pasai Sibreh nyang geumeukat keu makmeugang. Foto: Suparta/acehkini

Rap saban lakee kubeu, yum kameng pih teungon hana meuoh-saoh. "Lon kapeutron yum, nyan pih cukop susah lagoet," geupeutrang le Lem Burhanuddin, meuge kemang asai Peukan Biluy, Aceh Rayeuk. Meunurot gopnyan, cuma leumo nyang pah yum.

Nyang leupah gura uroe nyoe bak pasai nyan nyang rame syit ureung jak ngieng-ngieng mantong. Nyang butoi ureung meubloe mantong dit that. Lagei toeke Sofyan. Gop nyan teungoh geukaloen-kaloen leumoe dilee keu geusie bak uroe makmeugang puasa.

Bang Sofyan hana geutujeut bloe dilee leumoe kareuna meunurot gop nyan poemerintah hana jelaih lom soai atoran jeut peu han teumusie watee uroe makmeugang kali nyoe, seubab jinoe siat teungoh na taeun Corona.

Kameng na syit geupubloe bak Pasai Sibreh keu makmeugang. Foto: Suparta/acehkini

"Teumakot eunteuk lheueh tabloe poemerintah ka han dibi meukat sie makmeugang. Jadeh hana tatuho ba leumoe nyeu kaleuh tabloe," kheun Sofyan.

Biasajih, gopnyan tiep uroe meugang troh lhee boh sampoe peut boh geusie leumoe. Sie leumo nyang geusie nyan geumukat bak padum-padum boh lapak.

Ka geutarek leumoe geuba bak Pasai Sibreh keu makmeugang. Foto: Suparta/acehkini

-----

*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!