Sep Brat Tunu Teuh, Jai That Ureueng Hana Dipakek Masker di Aceh

Ureueng bak Pasai Lambaro, Aceh Rayeuk, seumateh geutem pakek masker. Foto: Suparta/acehkini

Taceugah bala taeun corona atawa COVID-19, Pemerintah Aceh sabe-sabe geupeugah untuk pakek masker dan duek beujioh.

Haba peuingat nyan jai ureueng hana pateh, rame ureueng bak jalan hana dipakek masker. Leuh nyan yang duek di warong-warong kupi pih sep rab-rab diduek.

"Nyoe biet tunu teuh watee takalen, sep batat tungang ureueng tanyoe," khen Sulaiman alias Apa Leman, awak Banda Aceh bak kamoe acehkini, Rabu (8/4/2020).

Gobnyan geupeugah, menye lagee nyoe cara meuhambo teuh mandum ditakat le taeun corona nyan.

Padahai untuk peuingat ureueng, awak Satpol PP sabe diwet-wet rata warong kupi dan dimeuratoh bak jalan-jalan. "Na cit yang pateh sidroe dua, laen buet droe jih ju. Lage apam kiraju," sambong Apa Leman.

Adek di Pasai Lambaro nyoe seumateh cit, ditem pakek masker. Foto: Suparta/acehkini

Lam haba peuingat teubaro, Plt Gubernur Aceh, Nova Iriansyah geupeugah bek tuwoe-tuwoe pakek masker, peujioh jarak sabe kedroe-droe dan rah jaroe sabe ngen hand sanitizer, ngen sabon jeut cit.

Hana peuingat nyan pih na lam gamba nyang geutipek bak rata sagoe dan geusiprek mansaboh nyan liwat media sosial.

"Wate neuteubit dari rumoh, bek tuwe neupakek masker," kheun Gubernur Nova lam gamba nyan.

Nyoe gamba peuingat pakek masker.

Hana meuceh masker gawat that aree, masker ija kajeut cit, awak PBB bideung kesehatan donya atawa WHO kaleuh dipeugah meunan cit. Dum dipubloe bak jalan, hana meuhai-meuhai that lom. []

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.

-----------------------------------------------

kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!