Ulee Peulisi Aceh Geukalon Semeugot Jalan Tol di Aceh Rayeuk

Watee geujak kalon jalan tol Aceh. Foto: Polda Aceh

Ulee Peulisi Daerah (Kapolda) Aceh, Irjen Pol Wahyu Widada ka geujak kalon seumeugot jalan tol Sigli-Banda Aceh bak padum-padum boh titek di Aceh Rayeuk, nibak uroe Selasa (12/5). Patroli nyang geuikot sit le padum-padum droe peujabat di Polda Aceh, nyan untok jak kalon etna ka seumeugot jalan tol.

Ulee Bideung Humas Polda Aceh, Kombes Pol Ery Apriyono, geupeugah rombongan geujak patroli deungon gari meusen. Ureung nyan geutamong u dalam jalan tol liwat pinto tol Blang Bintang.

"Dari Blang Bintang, rombongan geujak sampe troh u pinto tubiet di Indrapuri nyang jioh jih 14 kilometer," narit Ery keu jurnaleh, Selasa (12/5).

Kapolda Aceh bak pinto tol.

Nibak kesempatan nyan, Kapolda Aceh sempat meureumpoek ngeun branch manager jalan tol Sigli-Banda Aceh Jarot Seno Wibawa dan project director semeugot jalan tol Sigli-Banda Aceh P. Slamet Sudrajat.

Kapolda geupeugah bak ureung nyan agar jalan tol nyan beuaman bek na leumo nyang meulikak-likak di sinan. Ban lheuh nyan, seandai jih jalan tol ka seuleusoe dan na nyang peukaru keuamanan geuyue lapor bak peulisi.

"Lapor bak peulisi seandai jih na nyang peukaru soai keumanan," kheun Ery. []

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.

Foto rame-rame sige bak jalon tol.