news-card-video
Jakarta
imsak
subuh
terbit
dzuhur
ashar
maghrib
isya

2 Tawunu Wikipedia Hulontalo, Bo Ngo'idi Ta Motota

Konten Media Partner
22 April 2020 12:01 WIB
comment
0
sosmed-whatsapp-white
copy-link-circle
more-vertical
Marwan Mohamad bersama turis asing membentangkan bendera Wikipedia Hulontalo. Rabu, (22/4). Foto: Dok istimewa
zoom-in-whitePerbesar
Marwan Mohamad bersama turis asing membentangkan bendera Wikipedia Hulontalo. Rabu, (22/4). Foto: Dok istimewa
ADVERTISEMENT
GORONTALO - Hulala botiya maa 2 tawunu umuruliyo lo Wikipedia bahasa Hulontalo, anggadu 19 April 2018 maa yilumuwalo lonto inkubator lowali situs Wikipedia u banari wolo alamat situs http://gor.wikipedia.org.
ADVERTISEMENT
Wikipedia yito ensiklopedia online, tuwangiyo tililahepa artikel pongotota. Wikipedia masatiya limbata 300 bahasa. Woluwo Wikipedia bahasa Enggeleti, odito olo Wikipedia bahasa Indonesia.
Jumula lo artikel Wikipedia bahasa Hulontalo to'u boyito 1.207 tuladu. Wikipedia bahasa Hulontalo yito ensiklopedia online to delomo bahasa Hulontalo wawu wayitiyo lo nga'amila Wikipedia to delomo bahasa uweewoliyo ma'o. Wikipedia bahasa Hulontalo botiya dudu-dudu'a to wu'udu Wikipedia uda'a, pereyi tuladulo, boli'olo, kupe'iyolo meyambo popotayadulo.
“Wonu moli bahasa tuwawu, moli olo pongotota to delomiyo. Wikipedia u polahuwalo. Dulo mohuyula moluladu,” tuladu Marwan Mohammad to dingingo lo facebook olio ode Wikipedia bahasa Hulontalo
Wonu bilehelo to situs liyo, Wikipedia bahasa Hulontalo botiya ma woluwo enggadu 7 September 2010, dabo tilumulaliyo to inkubator Wikimedia. Ta lohutu halaman boyito tangguliyo te Wirjadisastra. Tilumula lonto u pilohutuliyo to dulahe boyito sambe awali lo tawunu 2014 tulade to halaman lo Wikipedia botiye boheli 9 (tiyo) artikel, tuheta bo ngo'idi ta hepolulade to Wikipedia bahasa Hulontalo botiye.
ADVERTISEMENT
Ta hepolulade bohuliyo te Abdi Gunawan Djafar toliliyo te Lingga wawu te Lukman Tomayahu, wawu woluwo tawuwewo bo hemoluladu odelo akun anonim meyalo dila o akun to Wikipedia, sambe ja'otawa tangguliyo. Pata'o boyito halaman inkubator Wikimedia maa pilopotayadiyo to Facebook le Lukman Tomayahu, sambe te Marwan Mohamad maa lodudu'a mayi hemolulade olo.
Sa’ati botiya, Wikipedia bahasa Hulontalo layito hemohutu pelatihan molulade artikel bahasa Hulontalo, tangguliyo Wikilatih. Maa po’oluwo Wikilatih pilohutu to Hulontalo. Bungaliyo to Gallery Riden Baruadi, oluwoliyo to Grapari Telkomsel Gorontalo.
“Harapani lami yatiya Wikipedia Hulontalo mali otawa lo tawu, ngohuntuwa taa modudu’a mohuyula moluladu to Wikipedia botiya, alihu ilimi wawu pongotota to delomo bahasa Hulontalo terdokumentasi wawu ja mooli,” lo’iya le Marwan.
ADVERTISEMENT
Hepolele le Marwan, ususa liyo momongu Wikipedia bahasa Hulontalo yito sababu ngo’idi ta mohuto modudu'a. Wikipedia duta-duta’a to ihilasiliyo lo tawu moluladu. Sababu diya'a bayari u tolimolo openu ito mo’olohu moluladu mohutu artikel to Wikipedia. Openu odito, to Wikipedia woluwo yilabota mohutu artikel wawu o hadiah, alihu o sumangati moluladu.
“Dila dadaata tawu mohuto ode karaja ja o bayariliyo odelo odiya. Woluwo bo ta modudu’a pe’enta wawu lapatiyo ma'o didu mohuto modudula mayi poli,” wungguli le Marwan.
Openu boli odito, masatiya artikel to Wikipedia bahasa Hulontalo maa woluwo limbata 5.000 artikel. (Reporter: Wawan Akuba)
-----
*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!
ADVERTISEMENT