4 Contoh Geguritan Bahasa Jawa Singkat dalam Berbagai Tema

Contoh Geguritan Bahasa Jawa Singkat, Foto: Pexels/wahyu widiatmoko

Kamu seorang penikmat puisi? Sudah coba baca geguritan bahasa Jawa, belum? Geguritan adalah puisi yang disajikan di dalam bahasa Jawa dengan kata-kata yang menyentuh hati. Kalau belum pernah, silakan nikmati contoh geguritan bahasa Jawa singkat di dalam berbagai tema berikut ini.

4 Contoh Geguritan Bahasa Jawa Singkat

Contoh Geguritan Bahasa Jawa Singkat , Foto: Unsplash/Farhan Abas

Inilah deretan contoh geguritan singkat bahasa Jawa yang disadur dari buku Gurit Singgang: Kumpulan Geguritan, Novy Wahyu Dwi Indrawati & Suroto, (2020:35-36):

Tema: Ibu

Karya: Yanik Agus Setyaningsih

Ngger,

Biyung nyuwun ngapura

Ora bisa dadi biyung kang sampurna

Ora bisa nglegakne atimu

Ngger,

Uripku kebak kaluputan

Ngiwa luput, nengen luput

Rumangsaku aku wis manut

Bangun turut karo sing jare winasis

Nanging nyatane isih tetep luput lan diluputne

Lara atine biyung, ngge

Kepengin crita wae,

Ora enek sing gelem krungu

Apa maneh sambat, mung arep digeguyu

Kabeh wis ora percaya karo biyung

Kabeh ki nyatane ngapusi

Nanging biyung isih tetep percaya, ngger

Mung siji sing ora bakal ngapusi

Gusti Kang Maha Agung

Tema: Budi Pekerti

Karya: Dening Kharisma

Abang putih kajunjung duwur ing langit pratiwi

Wujud getih lan balung para pejuang

Apa kowe isih eling?

Cucur kringet luh kang wis kebacut dadi tumbal

Tumbal marang buwana kanggo kemerdekaan

Saiki apa?

Kowe ngapusi, kowe korupsi

Cangkemmu amba kebak arta

Raimu gedhek, ora duwe isin

Dijak rembug malah kepara angler

Rakyatmu kuru, kowe lemu

Rakyatmu mlarat, duitmu sak arat-arat

Sing makmur sapa?

Kowe lan kanca-kancamu

Sing tumindak ala marang rakyatmu

Mula, ayo brantas korupsi

Ayo padha gumregah

Mbangun bangsa Indonesia kang sumringah

Bangsa kang apik ing budi lan tutur

Bangsa kang sejahtera lan makmur

Tema: Alam

Karya: Puthu Aryana

Merapi…

Saka kadohan katon gagah

Asep putih ndedel ing awiyat

Tilas dalan lahar katon cetha

Kena sunare Hyang Bagaskara

Merapi…

Saumpama kowe bisa crita

Kabeh kadadean ing tanah Jawa

Wiwit jaman Mataram Kuna

Nganti madege Kraton Ngayogyakarta

Merapi…

Sliramu anyekseni kridhaning bangsa

Wiwit nalika ngusir penjajah Walanda

Jaman mardika jaman Soekarno

Nganti jaman Soeharto

Jaman Habibie tumekaning Megawati lan Susilo

Merapi dadi saksi

Tema: Kepahlawanan

Karya: R. Tantiningsih

Pahlawanku

Wutahing ludirmu

Nyiram ibu pertiwi

Nadyan sang ibu

Kudu muwun sedhih

Karajang-rajang manahe

Karujit-rujit rasa pangrasane

Pahlawanku

Mugya Gusti paring nugraha

Semana gedhene bektimu

Jiwa raga, bandha donya

Tanpa sisa

Amung siji pangajabmu

Merdeka

Bagaimana? Keempat contoh geguritan singkat bahasa Jawa di atas sangat menyentuh hati, bukan? (BRP)