5 Contoh Geguritan Bahasa Jawa Tema Pendidikan

Contoh Geguritan Bahasa Jawa Tema Pendidikan, Foto: Unsplash/Mufid Majnun

Geguritan adalah bentuk puisi yang berkembang di kalangan pujangga Jawa, yang perlahan-lahan juga berkembang menjadi tembang. Salah satunya adalah geguritan bahasa Jawa tema pendidikan, yang bisa disampaikan pada Hari Pendidikan Nasional.

5 Contoh Geguritan Bahasa Jawa Tema Pendidikan

Contoh Geguritan Bahasa Jawa Tema Pendidikan, Foto: Unsplash/Diego PH

Mengutip buku Untaian Kidung Sukma: Kumpulan Puisi Bahasa Jawa, Dewi Nurhidayanti, S.Pd., (2019:37-39), berikut ini adalah deretan contoh geguritan dengan tema pendidikan yang bisa dijadikan sebagai bahan referensi:

• Perjuangan Guru

Karya: Isti Mukarromah

Sliramu tansah digugu lan ditiru

Marang kabeh muritmu

Atumu nora tahu nesu

Senajan aku tansyah kleru

Rupamu nyenengne ati

Pocapanmu ngademne ati

Tasah gemi nastiti, ngati-ati

Menehi elumu kanti tliti

Ora tahu ngraso suntuk

Anggonmu mulang wuruk

Supoyo muridmu nora ketubruk

Dadi wong pinter

Lan nora keblinger

Senajan kauripan nggadang nantang

Nanging tetep maju perang

Lan biso gayeng uripe

Ngrasakne jaman emase

Saka rekasane ing jaman biyene

• Cita-citaku

Karya : Yunda Dayanti

Esuk budhal sekolah

Sore nyekel buku

Awan daknggo turu

Mung arep nggayuh cita-citaku

Yen dak roso ora ono wektu dinggo senenge atiku

Aku sinau saben dina

Tansah manut dhawuhe wong tuwaku

Supaya aku dadi bocah pinter

Ing tembe bisa mujudake cita-citaku

Bisa mendhem jero lan mikul dhuwur marang wong tuwa

Bisa mulyakne wong tuwaku

Lan utamane bisa bekti marang wong tuwaku

Ya mung kanti cita-cita iki aku bisa semangat

Semangat sinau

Lan uga semangat nggayuh kabeh keinginanku

• Sertifikasi Guru

Karya: Aris Irianti

Sertifikasi Guru

Kabeh wong wis padha krungu

Apa maneh ana kalangan guru

Nanging… kanthi sertifikasi guru mau

Apa bocah-bocah banjur mituhu

Ora wani karo Guru

Mugiya kanthi sertifikasi iki

Para siswa tambah bekti

Sinau ana sekolah kang mligi

Mantep, karep sajroning ati

Kanthi sertifikasi guru iki

Para guru ana kang ndaftar haji

Uga akeh kang tuku mersi

Nanging kang utama

Kanthi sertifikasi guru iki

Para siswa tambah prestasi

Lan bekti marang Ibu Pertiwi

Lan marang kang gawe urip pati

• Reuni

Karya: Djoko Waluyo

Sawise lawas pisah

Ketemu wis padha dadi simbah

Rambut-rambut putih, pasuryan padha malih

Pethuk gapyuk rerangkulan nyuntak sakehing rasa kapang

Ati trenyuh mripat kekembeng luh

Wor suh karo rasa bungah

Guyu-guyu renyah kaya nalika isih bocah

Dhek biyen nate dadi sakukuban

Njur padha pisah dalan, nepusi lelakone sowang-sowang

Lungit angelangut, lam-lamen jaman kesaput pedhut

Nganti wancine srengenge dhoyong ngulon

Beja, dene isih bisa sapatemon

Dhuh Gusti ingkang Maha mirah

namung saged muji Syukur Alhamdulillah

Gene isih menangi kumpule balung pisah

• Guruku

Karya: Sutapa, W.R

Wingi nalika sikil iki

Tumapak sandhuwure bumi

Durung paja-paja ngerti ha, na, ca, ra, ka

Alip, ba’, ta’, apa dene good morning teacher!

Lumakuning srengenge wis ganti

Panyawangku dadi padhang terawangan

Rasaku sangsaya … Ora bisa dakgambarake

Sih tresnamu nabet njanget

Sajroning atiku

Lamun tanpa panjenengan

Bisa apa aku nepaki bumi iki ?

Leladimu marang aku

Oora timbang karo piwalesku

Bu guru, pak guru jangkahku isih adoh

Uripku isih nyamut-nyamut

Sethithik setetes bun esuk iku wis cukup

Tinimbang banyu sekendhi

Marakake ati mati

Lepasen lakuku

Lilakna labuh labetmu

Dakumbare gagasanku

Sedyaku kasembadan

Donga pangestumu

Nuntun marganing sedyaku

Setelah membaca referensi berupa 5 contoh geguritan pendidikan di dalam bahasa Jawa di atas, kamu bisa belajar untuk menulis geguritan sendiri.