kumparan
search-gray
News30 April 2020 14:52

Warga Banyak Nda Badengar, Pemerintah Tako Pandemi Mo Lebe Panjang

Konten Redaksi Manado Bacirita
Warga Banyak Nda Badengar, Pemerintah Tako Pandemi Mo Lebe Panjang (198297)
Suasana salah satu wilayah di Kota Manado yang mulai terlihat padat dan warga beraktivitas kembali normal di tengah pandemi corona
MANADO - Pemerintah mangaku tako pandemi virus corona di Sulawesi Utara mo jadi lebe panjang. Ini gara-gara warga banyak yang nda badengar, kong stel pongo dengan tu palakat tentang bahaya virus corona kalau ada di tampa-tampa yang rame apalagi takumpul orang.
ADVERTISEMENT
Soalnya, sampe deng skarang, ini warga terutama di Manado yang paling banyak kasus tajangke panyaki COVID-19, banyak yang bapontar nda pake masker. Kong di bendar dengan stasion, tu orang so jaga baaktivitas sama dengan biasa. Dia pe bukti tu jalan so macet ulang. Padahal, waktu baru lima orang tu warga takena COVID-19, tu jalan pe sepi.
Tukang bicara Gugus Tugas COVID-19 Sulawesi Utara, dr Steaven Dandel ada bilang, jika palakat yang pemerintah ada bilang, warga nyanda mo dengar, so pasti ini pandemi mo akan lebe panjang dari prediksi.
"Kita so bilang ulang-ulang, itu social distancing sangat penting. Mar, kalau sama dengan skarang, masih banyak tu bapontar di jalan, ya so pasti nda guna ini torang pe upaya mo kase sadiki tu panyaki. Karena ini panyaki suka skali di tampa-tampa rame," Dandel ada bilang.
ADVERTISEMENT
Dandel le bilang, kalau pa dorang pe data tu index case, rata-rata dari 44 kasus pasien yang positif COVID-19, paling banyak suka hadir di tampa banyak orang. Dandel kase kesimpulan, kalau memang ini panyaki, suka skali deng orang-orang yang bakumpul banyak-banyak di satu tampa.
"Index case rata-rata dari 44 orang yang kena panyaki, itu paling banyak pasien hadir di tampa yang banyak orang sebelum kena tu panyaki. Dorang ada bakumpul atau suka hadir di acara," kata Dandel.
So itu, Dandel mangaku dia nda pernah akan mo lupa for mo ajak ini orang-orang supaya mo badengar kong untuk sementara waktu iko akang dulu ini pemerintah ada suruh supaya badiang di rumah. Kong kalau nda ada kepentingan basar mo kaluar rumah, lebe bae dudu-dudu di rumah jo dulu.
ADVERTISEMENT
"Cuma mo se inga ulang, kalau torang pe perilaku nda tahang mo tetap kaluar rumah trus-trus, ya kita boleh mo bilang, kalau ini pandemi akan lama mo klar," Dandel bilang ulang.
manadobacirita
***
*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!
Tulisan ini adalah kiriman dari publisher, isi tulisan ini sepenuhnya menjadi tanggung jawab publisher. Laporkan tulisan
sosmed-whatsapp-white
sosmed-facebook-white
sosmed-twitter-white
sosmed-line-white