Nembé Rong Wulan Metu Penjara, Wong 2 nang Brebes Nyolong Motor Maning

Wong loro nang Brebes dicekel Polisi maning gara-gara nyolong motor.

BREBES – Wong loro nang Brebes dicekel Polisi maning gara-gara nyolong motor. Keloroné yakuwé Eko Widodo (36) warga Désa Sitanggal, Kecamatan Larangan lan Citro Cahrudin (25) bocah enom seka Désa Petunjungan, Kecamatan Bulakamba.

Padahal, keloroné nembé baé metu penjara rong wulan wingi. Merga ora kapok karo ukumané, dhéwéké balik maning urip nang penjara.

Kapolsek Bulakamba Iptu Ibnu Setyadi metung Kanit Reskrim Aiptu Kusnanto ngomong pihaké wis nangkep pelaku sing wis ngaksi nang pirang wilayah sing ana nang Kabupatén Brebes.

Kusnanto ngomong salah siji korbané yakuwé Sopridah (42) warga Désa Dukuhwringin, Kecamatan Wanasari. Motor Supra X 125 warna abang ireng, karo nomer polisi G 4531 EJ ndéké korban ilang pas lagi di parkir nang komplék Pasar Banjaratma, Kecamatan Bulakamba, dina Senén (17/10/22) wingi.

“Dhéwék sing olihna laporan seka warga langsung nylidiki nggo ngungkap kasus maling motor nang wilayahé dhéwék,” jaré Kusnanto, Senin (24/10/2022).

Kasus kuwé akhiré bisa diungkap sawisé ana warga sing pan ngadol motor bodong. Petugas latané apén-apén pan tuku motor COD nan nang Désa Pebatan, Kecamatan Wanasari, dina Kemis (20/10/22) minggu wingi.

“Wektu transaksi karo petugas sing nyamar dadi wong sing tuku, langsung dhéwék tangkep keloro tersangka sing pan ngadol motor Supra X ndéké korban Sopridah,” ungkapé.

Sementara kuwé, seka hasil pengembangané polisi, keloro pelaku jebulané wis ping kopang-kaping nyolong motor nang wilayah Kecamatan Bulakamba, Wanasari, Ketanggungan, Larangan lan Kecamatan Jatibarang.

“Keloro pelaku jebulané résidivis sing nembé metu penjara rong wulan wingi, karo kasus sing padha yakuwé nyolong motor,” jaréné.

Sedengé barang bukti sementara sing diamana seka keloro pelaku yakuwé motor Supra X lan lima kunci léter T.

“Dhéwék bareng karo Polsek liyané, termasuk karo pihak Satreskrim Polres Brebes ésih nglakokna pengembangan, nggo nggolét barang bukti motor liyané hasil colongan keloro tersangka kuwé,” pungkasé. (*)