Amanah Wali: Bek Gadoh Ngen Peng Griek

Teungku Malik Mahmud Al-Haythar (keulhee rhot wie) bak acara Duek Pakat Pimpinan Perte Aceh di Meulaboh. Foto: Abdul Hadi/acehkini

Bansigom geunareh Perte Aceh geupeuingat bek sampe gadoh ngon peng griek. Jinoe geuamanah beu lubeh pikee keu kesajahteraan rakyat Aceh.

Meunan geuamanah le Ketua Tuha Peut Parte Aceh, Teungku Malik Mahmud Al-Haythar, lam Duek Pakat Pimpinan Perte Aceh di Meulaboh, Aceh Barat, bak uroe Sabtu (31/10).

"Tanyoe bek gadoh pike peng griek, tapi Perte Aceh beu tapike kesejahteraan rakyat Aceh. Tanyoe ka na peng Otsus (otonomi khusus), kiban cara tanyoe pakek peng nyan beu bak jalan butoi tabanguen Aceh nyoe leubeh jroh," kheun Wali Nanggroe Aceh.

Acara Duek Pakat Pimpinan Perte Aceh di Aceh Barat. Foto: Abdul Hadi/acehkini

Wali geupeutrang, bansigom geunareh Parte Aceh beu kompak sabe lam tapeutroh cita-cita tapeujuang bansa Aceh. "Bek sampe Perte Aceh nyoe meucrebre," meunan amanah Wali.

Duek Pakat Pimpinan Perte Aceh kalinyoep geupeugot seulama dua uroe, mulai 31 Oktober sampe 1 November 2020. Duek pakat nyoe lam rangka geupeukuat struktur ngon manajemen geunareh perte keu ukeu sigohlom Pilkada Aceh thon 2020.

Muzakir Manaf (Mualem) watee troh teuka bak acara Duek Pakat Pimpinan Perte Aceh di Aceh Barat. Foto: Abdul Hadi/acehkini

Ketua Umum Parte Aceh, Muzakir Manaf nyang leubeh dithee ngon nan Mualem, geupeutrang bahwasajih bah peulitek thon 2020 hana trep le. Bak banmandum calon geuyue peusiap droe laju dari jinoe.[]

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 media, bertujuan melestarikan bahasa daerah.