Bek Meulikak-likak Meunyeu Hana Masker di Banda Aceh, Didrop Eunteuk

Petugaih geupeuingat ureung bak Pasai Aceh untuk pake masker. Foto: Satpol PP Aceh

Wali Kota Banda Aceh, Aminullah Usman, ka geupeutubiet saboh Peraturan Wali Kota (Perwal) nyang geupeuwajeb ubena ureung di Banda Aceh untok pakek masker. Atoran nyoe akan mulai geupeujak buet nibak uroe Sabtu (16/5).

Deungon geupeujak buet aturan nyan, jinoe ka hana jeut le ureung jak meulikak-likak meunyeu hana pakek masker, jadeh didrop eunteuk le petugaih nyang peugot razia. Atoran wajeb masker nyoe geupeugot seubagoe upaya peujioh peunyaket taeun corona atawa COVID-19.

Aminullah Usman, geupeugah atoran nyan keun hanya keu ureung asoe lhok Banda Aceh, teutapi geupeujak buet syit keu ureung luwa nyang na di Banda Aceh. Meunurot Aminullah, pomeurintah ka padum uroe u likot kayem that geupeuingat soal nyoe.

Bagi peulanggar nyang diteumee le petugaih watei razia hana pakek masker, eunteuk akan dituleh nan dan payah teken surat meujanji untok pakek masker. "Meunye ka seureng that meulanggar kon ta cabot KTP laju dilei siat," kheun Aminullah.

Pak Aminullah (baje itam) watee geujak saweu poih korban banjee, sabe geupakek masker. Foto: Humas Banda Aceh

Man kiban nyeu KTP luwa Banda Aceh? Meunurot Pak Amin, ureung nyan han dicabot KTP, tapi akan diyue tubiet alias diuse dari wilayah Kota Banda Aceh. Nyan ban, hana cilet-cilet geujak buet Pak Amin nyan bak geujaga Kota Geumilang. []

Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.