Tamoeng U Kampus UIN Ar-Raniry Jinoe Ka Geupeuwajeb Pakek Masker
PerbesarTauen Corona atawa COVID-19 nyang ka teuka mulai thoen 2019 ka ulikot karap bansigom donya, seuhingga mandum manusia ka saleng geujaga droe maseng-maseng dan rap mandum lembaga geupeugoet aturan keu mandum jamaah, hana kecuali Jamiah Ar-Raniry di Banda Aceh.
Keutua Gugus Percepatan Penanganan COVID-19 UIN Ar-Raniry, Bapak Ibnu Sa'dan, watee geujak saweu poih use taeun Corona lam kampus geupeutrang, keu mandum jamaah UIN Ar-Raniry atawa ubena ureung nyang na perlee tamoeng ngon jak u kampus, ka wajeb pakek masker.
"Keubijakan nyan geupeugot lee peutuha kampus, na keuh untuk geuceugah bek sampe teupuw peunyaket bak ureung laen, atawa sebalek jih peunyaket gop teupuw bak geutanyoe. Jinoe maseng-maseng ta jaga droe," khuen gopnyan.
Meunuroet gopnyan, peunyaket ta'eun nyan cukop bagah diek bak ureung seubab hana deuh takalon ngoen kasat mata. Seubab nyan salah saboh cara na kueh ngoen ta toep babah ngoen idong tapakek masker.
Pak Ibnu Sa'dan geupeujeulaih, mulai bak babah rot tamong u kampus UIN Ar-Raniry, nyan ka wajeb pakek masker. Tim Gugus Kampus ka geupeugot maklumat bak spanduk geuintruksi banmandum wajeb pakek masker. Seulaen nyan geupareksa suhu tuboh ureung njang tubiet-tamoeng u kampus.
Gopnyan geutamah lom, bak pinto tamoeng mandum geudong lam kampus UIN AR-Raniry ka lheuh geupeugoet syit padum-padum boh teumpat rhah jaroe. Laen nibak nyan, bak poih na cyit geupeugot saboh toeng kotak amai.
Soe mantong nyang keuneuk joek sumbangan jeut geu jak intat keunan. Hana musti peng, barang jeut chit lagee masker, sabon rhah jaroe, atawa peu laen nyang geuperulee lee awak medis, kheun gopnyan.
Leubeh nibak nyan, Pak Ibnu Sa'dan geutamah lom, puetuha UIN Ar-Raniry na cyit ka geupeugot maklumat padum-padum boh laen keu mandum jamaah. Seulain geupeuwajeeb pakek masker lam kampus, ka geupeugot syit saboh posko paih dikeu Klinik Kesehatan.
Sigolom nyan, kheun gopnyan, Pak Rektor Prof Warul Walidin AK ka geupeugot cyit saboh maklumat bah peurunoe ngon meurunoe dari jioh lewat taloe telepon atawa online. Seubab ka lumayan mudah lawet nyoe, dum ka aplikasi yang jeut geupeugot kuliah dari jioh.
"Meunyoe hana that perlee jak u kampus, kakueh keurija dari romoh mantong. Ka geu peuizin le pomerintah, teuntee ngon teutap peuselusoe ubena tugaih maseng-maseng. Soe nyang haroeh jak u kampus, bek teuwo pakek masker," peutrang Bapak Ibnu Sa'dan.[] Nat Riwat
***
*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!