Tentang KamiPedoman Media SiberKetentuan & Kebijakan PrivasiPanduan KomunitasPeringkat PenulisCara Menulis di kumparanInformasi Kerja SamaBantuanIklanKarir
2024 © PT Dynamo Media Network
Version 1.92.0
Konten Media Partner
Para Bakul Pasar Tradhisional ing Yogyakarta Wiwit Nganggo Masker
18 April 2020 13:41 WIB
ADVERTISEMENT
Para bakul ing Pasar Stan, Tajem, Maguwoharjo, Sleman, wis padha nganggo masker utawa tutup irung lan tutuk. Bakul iwak pithik, bakul tela, uga bakul jajanan pasar, kabeh wis nganggo masker. Masker sing dienggo para bakul yo werna-werna. Ana sing nganggo masker kain, uga ana sing nganggo masker kesehatan.
ADVERTISEMENT
Bagas (47), bakul gedhang ing Pasar Stan, kandha yen kala wingi sempet ana petugas sing wara-wara soal pentinge nggawe masker. Ora mung kuwi, uga ana petugas kang nyebar mbagi masker marang pedagang.
“Kapan kuwi ana sing mbagi masker. Ning kene (Pasar Stan) yo ana, ning dalan kapan kuwi yo ana,” ujar Bagas, Setu (18/4/2020).
Saiki, Pasar Stan uga diwenehi wadah kanggo wijik (wisuh) ing lawang mlebu pasar. Iki dadi carane pemerintah kanggo nyegah panyebaran virus corona ing lingkungan pasar. Apa meneh, pasar dadi panggonan transaksi utawa dol tinuku akeh wong.
Yatmi (34), bakul jajanan pasar ing Pasar Stan, kandha yen saiki Pasar Stan rada sepi ketimbang biasane. Salah sijine merga bocah sekolah wis ora mlebu, banjur wong tuwane ora nukokake jajanan pasar kanggo sangu sekolah.
ADVERTISEMENT
“Iki yo luwih sepi mbak. Bocah-bocah sekolah rak ora mlebu ta mbak. Dadine ya sing tuku jajanan pasar ya sithik,” ujare Yatmi.
Bagas kandha yen dheweke karo anake kepeksa dodolan barang liya kanggo nyukupi kebutuhan saben dinane. Para bakul uga duwe pangarep, pageblug Corona iki bisa ndang kalis kanti cepet.