Pemudik ing Sragen kang Ngeyel Karantina Bakal Dilebokake ing Omah Angker

Omah kosong ing Desa Sepat, Masaran, Sragen, sing dienggo karantina. Foto: gbr.

Pemerintah pusat ngupiya marang masarakat supaya ora mudik ing pageblug COVID-19 iki. Nanging, iki rupane ora dadi alangan para perantau sing arep mudik. Salah siji hal sing kudu dilakoni yen arep mudik yaiku kudu karantina mandiri 14 dina. Nanging, uga ana pemudik kang ngeyel lan ora nglakokake karantina mandiri. Babagan kaya ngene iki sing gawe masarakat kuwatir.

Bupati Sragen, Kusdinar Untung Yuni Sukowati, duwe cara sing unik kanggo nindak para pemudik kang ngeyel ora gelem karantina. Bupati Sragen ngomong, yen akeh desa sing laporan akeh pemudik sing ora gelem karantina mandiri.

"Kala isih wonten sing nekat (boten nglakokake karantina mandiri 14 dinten), kula nyuwun tulung pemerintag desa kagem nemtokake langkah sing teges. Kala wonton omah sing kosong lan ana dhemit, lebokke mrika wae," ujare, Slasa (21/4/2020)

Mergane, pemerintah saiki lagi perang karo pageblug COVID-19 iki. Bupati Sragen kandha, yen pars pemudik sakjane ditampa apik karo masarakat. Ora mung kuwi, pemerintah uga wis njaluk para pemudik nglakokake karantina mandiri..

Disebutke, saiki wis ana 2 desa kang nglaporake ana pemudik sing ngeyel karantina. Bupati Sragen njaluk para pemudik supaya nglakoni karantina mandiri amrih gawe kasarasane warga sakabehe.

Ilustrasi omah angker. Foto: Kumparan

“Menawi tasih ngeyel, monggo. Sampun wonten 2 dusun ingkang laporan. Setunggal ing Kecamatan Plupih, setunggal malih wonten ing Kecamatan Masaran. Kula nyuwun bab daharan dipun penggalihaken, kasarasan ugi pun cek teras," andarane.

Nyatane, saiki wis ana desa sing nyiapake omah kosong ing Desa Sepat, Masaran, Sragen. Omah kuwi suwi ora dipanggoni lan ketok medeni. Nanging, omah kuwi wis diresiki lan ditambah kebutuhan kanggo karantina.

"Sak punika sampun wonten 3 pemudik ing griya (dhemi) punika. Satgas COVID-19 dusun ingkang mapak amargi kepanggih keluyuran," jarene.