News
·
11 April 2020 21:41

Pereumeun Doto Beuseulamat Nibak Taeun Corona, BMKT Joek APD keu Awak IDI Aceh

Konten ini diproduksi oleh ACEHKINI
Pereumeun Doto Beuseulamat Nibak Taeun Corona, BMKT Joek APD keu Awak IDI Aceh (29147)
Acara peujoek bajee ngon kaca toep muka alat peulindong droe dari BMKT keu awak IDI wilayah Aceh bak uroe Sabtu (11/4). Foto: Humas Setda Aceh
Badan Kontak Majelis Taklim (BMKT) Aceh ka geujak joek bantuan alat peulindong droe (APD) nibak peunyaket taeun corona atawa COVID-19 keu awak Ikatan Dokter Indonesia (IDI) wilayah Aceh bak uroe Sabtu (11/4).
ADVERTISEMENT
Alat peulindong droe nyang geujoek keu awak IDI nyan na keuh 100 boh bajee ngon 100 on kaca toep muka. Alat nyan mandum geujok langsong le Ketua BMKT Aceh, Dyah Erti Idawati, nyang geuteurimong le Ketua IDI Aceh, Safrijal Rahman, nyang geupeugon le meupadum droe anggota gop nyan.
Ibuk Dyah peurumoh Peulaksana Gubernur Aceh geupeugah, bantuan nyang geujok nyan nakeuh hase ata geusumbang ubena penguroh BMKT Aceh.
"Uroenyoe kamoe BMKT Aceh meujok bantuan alat peulindong droe lam useuha banmandum geutanyoe taprang COVID-19 di Aceh," kheun ibuk Dyah nyang diteurimong acehkini, Sabtu (11/4).
Pereumeun Doto Beuseulamat Nibak Taeun Corona, BMKT Joek APD keu Awak IDI Aceh (29148)
Acara peujoek bajee ngon kaca toep muka alat peulindong droe dari BMKT keu awak IDI Wilayah Aceh bak uroe Sabtu (11/4). Foto: Humas Setda Aceh
Ibuk Dyah geupeutrang, jinoe siat alat peulindong droe nyan salah saboh dabeuh njang brat that peureulee le awak nyang kereuja bak rumoh saket lam teungoh meusike that lagee nyoe rupa.
ADVERTISEMENT
Laen nibak nyan, ibuk Dyah geulakee banmandum kaom ubena kabupaten/kota bansigom Aceh nyoe beu turot sereuta geudukong kereuja-keureuja doto awak bak rumoh saket ngon cara tajok alat peulindong droe keu ureung nyan.
"Arapan kamoe banmandum kaom, mulai awak LSM, urueng kampus ngon ubena lapesan masyarakat laen beuroh ikot sereuta lam buet tabantu tim medis tanyoe," kheun ibuk Dyah.
Lheuh geujok alat peulindong droe keu awak IDI Aceh, ibuk Dyah geulanjot jak bagi-bagi masker keu ureung nyang na lam pasai Peunayong. Masker nyang geubagi-bagi nyan geujok keu awak tukang parkir, awak meukat, ngon ureung gampong nyang teungoh beulanja lam pasai.
Sira geubagi-bagi masker nyan, ibu Dyah ngon rakan-rakan gopnyan geupeugah haba ngon awak meukat sereuta ureung meubloe geupeutroh info-info bah peujioh droe dari penyaket taeun corona atawa COVID-19.[]
ADVERTISEMENT
Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.
=====
*kumparanDerma membuka campaign crowdfunding untuk bantu pencegahan penyebaran corona virus. Yuk, bantu donasi sekarang!