news-card-video
Jakarta
imsak
subuh
terbit
dzuhur
ashar
maghrib
isya

Ureueng Droe Peugawe Bek Neuwoe u Gampong, Geupidio Kol Le Bos Neuh Enteuk

Konten Media Partner
23 Mei 2020 14:56 WIB
comment
0
sosmed-whatsapp-white
copy-link-circle
more-vertical
Ubena peugawe (ASN) ngon awak kontrak bak kanto Gubernur Aceh watee teungoh geuikot apel. Foto: Abdul Hadi/acehkini
zoom-in-whitePerbesar
Ubena peugawe (ASN) ngon awak kontrak bak kanto Gubernur Aceh watee teungoh geuikot apel. Foto: Abdul Hadi/acehkini
ADVERTISEMENT
Nyoe keu haba peuingat mantong dari kamoe. Lagee nyang ka geusampoe le Jubir Pomeurintah Aceh, Pak Saifullah Abdulgani. Bahwasajih ureung droeneuh nyang peugawe (ASN) ngon aneuk kontrak nyang neukeurija di miyup Pomeurintah Aceh han geubi woe u gampong bak uroe raya puasa 1441 Hijriah nyoe.
ADVERTISEMENT
Jubir nyang seureng dihoi Pak SAG geupeutrang bahwasajih peugawe ngon aneuk kontrak han geubi woe u gampong keu tajaga gampong bek sampe troh peunyaket taeun Corona atawa COVID-19. Seubab gampong mantong gleh nibak taeun Corona sigohlom na nyang peuwoe dari kota.
"Corona nyan asai dari Tiongkok nyang ka troh u ubena nanggroe lheuh nyan troh u kota-kota di Indonesia nyoe. Karena nyan peureulee ta hadang le tanyoe ngon bek tawoe u gampong," kheun SAG lam haba meutuleh yang kamoe teurimong.
Keu geupeujalan peunutoh di ateuh, peugah SAG, salah saboh jih ngon cara ubena ulee kawan lam Satuan Kerja Perangkat Aceh (SKPA) geupidio kol lam siuroe dua goe. Pidio kol (video call) nyan keu geucek posisi ubena peugawe ngon aneuk kontrak bek sampe woe u gampong bak uroe raya kalinyoe lam teungoh na Corona siat nyoe.
ADVERTISEMENT
Gopnyan geupeuteugah enteuk ulee kawan maseng-maseng SKPA geulapor langsong ubena bukti hase tilipun pidio kol nyan. Soe mantong peugawe atawa aneuk kontrak nyang na teurimong atawa hana teurimong pidio kol nyan.
Laen nibak nyan, SAG na geupeutroh chit bahwasajih keu peugawe nyang meulanggar na sanksi disiplin, jeut dipeutron pangkat saboh tingkat u miyup lam sithon lagee ka meutuleh lam Peraturan Pemerintah Nomor 53 Tahun 2010 tentang Disiplin PNS. Miseu aneuk kontrak nyang hana sumateh atawa meulanggar jeut dipeuputoh kontrak.
Sigohlom nyan, kalhueh na Surat Edaran Gubernur Aceh lumboi 440/5944 bah han geubi jak u lua daerah atawa woe u gampong ngon cuti keu peugawe (ASN) ngon aneuk kontrak lam upaya peujioh COVID-19.
ADVERTISEMENT
Et uroe Jumat (22/5) baroe, kasuih positif COVID-19 di Aceh kana 19 boh lheuh meutamah saboh kasuih baro. Kasuih baro nyang geulapor baroe le SAG nakeuh Muk (51 thon) wareuga asai Aceh Tamiang nyang gopnyan baro geuwoe dari Medan, Sumatera Utara.
Geulapor chit baroe, na sidroe pasien asai Simeulue nyang ka puleh dari peunyaket taeun Corona. Pasien nyang ka puleh nyan ka geutubiet nibak kama isolasi Pinere RSUDZA Banda Aceh na keuh AS (20 thon). Santri Pesantren Al-Fatah Temboro, Magetan, Jawa Timur, nyoe geulapor puleh meunan lheuh ditubiet hase swab nibak Balai Litbangkes Aceh nyang ka meutuleh negatif.
"Dari 19 boh mandum kasus nyan jinoe tinggai 2 droe teuk nyang mantong lam perawatan di rumoh saket rujukan COVID-19, laen na 16 droe nyang ka puleh, dan sidroe meuninggai bak buleun Maret 2020 ulikot," kheun SAG.[]
ADVERTISEMENT
Note: berita dalam bahasa daerah (Aceh) ini disampaikan sesuai kebijakan dari kumparan untuk para partner 1001 Media, bertujuan melestarikan bahasa daerah.
Sekda Aceh, Taqwallah, bersama istri mengucapkan selamat hari raya Idul Fitri 1441 H. (adv)